“Pagsaysay”

Kasapatan, Kakahuyan, Kasubaan,
Sa Isa ka pamislok kag sa Isa ka panan-awan,
Pag-ilog sang Halawod sarang pa ayhan makit-an?
Ukon magapabilin nga Isa ka handumanan.

Sa diin na ang gakarakasa nga lahi ni Amag-iran?
Nagkaladula ang gabugsay ang balsa nagtalang,
Sa igpat sang Bulawan nagkalatiplang,
Hakugan, hakugan kalahi ni lagan-lagan.

Sa mga iloy kag amay nga nadulaan sang ila kinagot,
Sa mga iloy kag amay nga ang pagpangabuhi puro Balasbot,
Sa mga iloy kag amay nga nagabakho sa Sestimang magarot,
Sa mga iloy kag amay nga nagapadayon sa pihak sang kapin-ot.

Sa tanan nga ahensya sang gobyerno nga kuno ga amlig sa Kapalibutan,
Walay huya hinimu-an puro kasapratan,
Puro Pahayluka walay kapuslanan,
Patay huya walay kahuy-anan.

Maga-abot ang adlaw ang nagbugsay liwat nga maga bugsay,
Agud ang kasaysayan liwat nga igasaysay,
Ang ginpatalang liwat nga maga sikhay,
Kuom ang kamot, KAUPOD salamat sa Pagsaysay!

Binalaybay ni Nelvin Gimong, Secretary General sang Tumanduk Youth Organization.

Sining ni Boy Dominguez.